joan den asteburuan Euskadiko Absolutoko froga txapelketak izan dira Durangon eta Hernaniko atleta bat baino gehiagok parte hartu dute, baita marka txukunak egin ere. Erreleboetako froga batean zilarrezko domina lortu zuen Hernaniko taldeak.
Zilarrezko domina
4X100 metro errelebotan
Hernaniko taldeak zilarrezko domina lortu zuen erreleboetako frogan, 4X100 metrotan. Denborari dagokionez, klubak egin duen markarik onenenatik gertu dago.
Taldean Lide Redondo, Estibalitz Lion, Enara Agirrezabala eta Ane Villaverde aritu ziren.
Ane Villaverdek marka pertsonala
Banakako frogetan, 400 metrotan, Ane Villaverde atleta hernaniarra oso ondo aritu zen eta bere marka pertsonala egin zuen, 1.01.36.
Enara Agirrezabala eta Lide Redondo luzera saltoan
Luzera saltoan bi atleta hernaniar aritu ziren. Enara Agirrezabalak brontzezko domina lortu zuen, 5.10eko denboran. Lide Redondok berriz, bosgarren postua lortu zuen froga berean.
Maitane Iruretagoiena ere Durangon
Hernaniko atletismo elkarteak gogoratu du Maitane Iruretagoiena hernaniar atleta ere Durangon izan zela. Althetiko San Sebastianen aritzen den atletak zilarrezko domina lortu zuen 100 metrotako frogan, atzoko Kronikan argitaratu bezala.