Asteazkenean hasi zen herriko pelotarien arteko eskuz banakako txapelketa

Astezkenean hasi zen herriko 4 1/2ko txapelketa. Txapelketa honetan herriko pelotari guztiek hartzen dute parte eta tarteka inguruko herrietako pelotariren batzuk ere bai. 4 kategoriatan jokatuko da txapelketa, eskuz banaka, eta 4/5an. Infantiletan 11 pelotari ariko dira, kadeteetan 16 pelotari, jubeniletan 12 pelotari, eta seniorretan beste 12 pelotari. Asteazkenean jokatu ziren lehenengo partiduak eta infantiletan, Yerai Iriondok 18-4 irabazi zion Mikel Perezi, eta kadeteetan, Oier Garciak 22-1 irabazi zion Xabier Alberdiri. Bihar, larunbata, honako partiduak jokatuko dira: infantiletan, Aiatz Hernani Yerai Iriondoren aurka; kadeteean, Iñaki Otaegi ariko da Alberto Noriegaren aurka; Jon Etxegoien ariko da Jon Galdosen aurka, eta Aingeru Artola ariko da Asier Elustondoren aurka. Partiduak goizeko 11:00etan hasiko dira. Astelehenean honako partidua jokatuko da: infantiletan Manterola ariko da Patxi Agirrezabalaren aurka.