makina batek sorpresa hartu zuen atzo plazara sartu eta alde batean jarrita dagoen zuntzezko egitura erraldoia ikusita. Ez da San Joanetan inork ahaztuta utzi duen ezer. Aiako Harria parkeari buruzko erakusketa ibiltaria da. Atzo jarri zuten Hernanin eta datorren asteartera arte, uztailaren 7ra arte, egongo da plazan, nahi duenak sartu eta ikusteko.
Aiako Harria parkea
Gipuzkoako Foru Aldundiak jarri du martxan erakusketa eta helburua da jendeak Aiako Harria parkea ezagutzea, bere ekosistemak eta biodibertsitatea, eta Life Aiako Harria programaren bidez egindako lanak ezagutzera ematea. Besteak beste, Oianlekuko pagadiaren 25 ha berreskuratu dituzte, Añarbeko urtegira ura isurtzen duten ibaien egoera hobetu dute, arriskuan zeuden landare espezieak babestu dituzte eta denentzako interesgarriak diren ingurune naturaletako 200 ha txukundu dituzte.
Saski erraldoia
Erakusketa saski erraldoi baten tankerako gela irekia da, hiru euskarrikoa. Pertsona barruan sartu daiteke eta paretetako panelak irakurri ditzake.
Uztailaren 7ra arte
egongo da plazan
Erakusketa ibiltaria da eta Donostian jarrita egon ondoren, Aiako Harria parkean partea duten herrietan barrena ibili da, Errenterian, Irunen, Oiartzunen eta orain Hernanin. Plazara hurbildu eta sartu besterik ez dago. Uztailaren 7ra arte izango da aukera.
Erakusketa bukatzean, Aiako Harria parkera eramango dute, eta hantxe jarriko dute.