Larunbat goizaldean Hernaniko Kardaberaz kaleko bi kutxazain automatikori su eman zieten, Ertzaintzak Kronikari adierazi dionez. Gertaera larunbat goizaldean gertatu zen, 00:45ak aldera, Kardaberaz kalean. Ertzaintzak adierazitakoaren arabera, ezezagun batzuk Caixako eta Banco Gipuzkoanoko kutxazain automatikoei su eman zieten.
Ez da kalte
pertsonalik izan
Gertaerak eraginda, suhiltzaileen beharra izan zen sutea baretzeko.
Hala ere, kutxazain automatikoez gain, inguruko etxebizitza eta bizilagunek ez zuten kalterik jasan. Hernaniko Alderdi Popularrak erasoa salatu du Hernaniko Alderdi Popularreko zinegotzia eta bozeramailea den Mari Luz Angladak erasoa salatu du, Kronikara bidalitako prentsa ohar baten bidez. Mari Luz Angladak dio Udaletxeko Alderdi Popularrak gogor gaitzesten dituela kutxazain automatikoen aurkako erasoak, eta Hernaniko herritarren aurkako iraintzat jotzen dituela: «Hernaniko Alderdi Popularrak gogor protestatu nahi du herrian izan diren gertaera bandalikoen aurrean. Herritarren aurkako iraintzat jotzen ditugu, kalte ekonomikoez gain, duten helburu bakarra baita herritarren jaigiroa eta poza galaraztea».