wukron gauzak oso larri daudela adierazi du Angel Olaranek, Etiopian dagoen misiolari hernaniarrak bidalitako karta batean. Joan den urtean lehorte gogorra izan zen; horrek eragina izan du nekazaritzan, ondorioz haziendan, eta ondorioz jendearen bizimoduan. Egoera oso larria dela eta edozein laguntza mesedegarria izango dela adierazi du.
Hazienda bezala, jendea
Joan den urtean lehorte latza izan zen Wukron, zonalde batzuetan lau egunetan besterik ez zuen euria egin, ondorioz haziendarentzako janaririk ez zegoen, eta horrek eragin zuen hazienda saldu behar izatea eta parte bat hil beharrean izatea, «eta jendearen egoera haziendarena bezain larria izan da».
Uzta eskasa
Olaranen esanetan, Gobernuak kanpotik ereiteko alea ekartzea lortu zuen. Hala ere, espero zen uztaren %21 bakarrik jaso zuten. Lortutako pizarra familiak mantentzeko erabili zuten. Gainera, lortutako alea eskasa zen, kalitate baxukoa, ereiteko balio ez zuena.
Gobernuak ezin gehiago
Eskutitzan dioenez, zonaldeko administrariak ere Olaranengana jo du laguntza eske. Haren esanetan 83.910 pertsona, 64 herritako biztanleak, daude egoera larrian, hazirik ez dagoelako.
Landu beharreko lur eremua berriz, 15.329 Ha-koa da. Bertako administrazioak hazia lortu omen du Gobernu Zentraletik, baina 4.640 Ha ereiteko adina bakarrik. Gobernuak ere ezin omen du gehiago egin.
Gari ale egokia behar dute
Olaranek adierazi duenez, 10.000 kintal gari behar dituzte, pavon erakoak, «sekiari aurre egiteko gogorragoa baita eta bere lastoak haziendari jaten emateko balio baitu». Kintal bakoitzak, garraioa barne, 800 bat birr balio ditu, 54 euro gutxi gora behera.
San Joan bueltan
euriaren esperoan
San Joanen bueltan hasten da euri garaia Wukron eta bi hilabete irauten du gutxi gora behera. Horregatik premia haundia dute haziak lehenbailehen lortu eta euria hasi baino lehen ereiteko.
10 euro
asko da han
Misiolariaren esanetan jende askok bere buruari galdetzen dio ezer egin daitekeen 10 euro bidalita. Olaranek dio, 10, 20, 50 euro edo dena delakoarekin, han gauza asko egin daitezkeela eta dei egin dio jendeari, egoera latza kontuan izanda, ahal duen laguntza bidaltzeko.
Nahi izanez gero, Hernaniko Kutxan kontua dago, Angel Olaranen izenean, zenbakia honakoa da: 2101 0041 08 0010282606.
Nahi izanez gero, zuzenean ere bidali daiteke laguntza Wukrora:
Commercial Bank of Ethiopia
Kontu zenbakia: 2900
Holder Angel Olaran; Abba Gebregziabhier.
Wukro (Tigray)
Etiopia.
SWIFT; CBETETAA.