Oskar eta Laura Carpintero gaur Dantza Suelto Txapelketan

SAN Joan egunarekin bat, urtero bezala, dantza sueltoko txapelketa tradizionala izango da gaur. Arratsaldeko 18:00­etan hasiko dira lehenengo dantza saioak, Gudarien plazan. Txa­pelketan, Hernaniko bikote bakarrak hartuko du parte: Oskar eta Laura Car­pintero anai-arrebek. Gaine­rako bikoteak Olaberria, Or­dizia, Villa­bona, Orio, Az­peitia, Bergara, Do­nos­tia eta Sestaotik etorriko dira. Fandangoa eta arin-arina dantzatuko dituzte. Patxi Apezetxeak zuzendutako Udal Txistu Bandak joko du fandangoa; eta arin-arina Beñat Luluaga eta Markos Landak interpretatuko dute. Epaimahaia Gipuzkoako Dantzari Biltzarrak osatuko du eta irabazleek Udalaren eskutik, Gotzon Huegunek egindako taila eramango dute. Dan­tzari bikote bat irudikatzen du Huegunen lan honek.