Bukatu da denboraldia eta bukatu da igoera fasea. Atzo jokatu zuten igoera faseko bigarren eta azken partidua Hernaniko Gorengoen Mailako jokalariek, inongo esperantzarik gabe, irabazita ere, ez baitzuten aukerarik 3garren mailara igotzeko, ez Hernaniarrek, ez beste inork. Hala izanik ere, araudiak igoera faseko partidu guztiak jokatzeko agintzen du eta hernaniarrek ez zuten hutsik egin. Partidu lasaia izan zen, ez baitzegoen ezer jokoan. Hernaniarrek Gasteizko taldearen aurka jokatu zuten eta 1-2 bukatu zuten azkeneko partidua. Pozik hala ere, denboraldi ona egin dutelako.
Begoña Bergara saritua
Futbol elkartea errifak saltzen aritu da denboraldian zehar. Atzo, partidua hasi aurretik, zozketa egin zuten eta Begoña Bergarari egokitu zitzaion saria, Mae bidai agentziak oparitutako bidaia. Zelaiaren erdian jaso zuen ziurtagiria bidai agentziaren eta futbol elkartearen ordezkarien eskutik.