san Joanetako pelota jaialdiko 14 sarrera eta Mendizabal II eta Olaizola IIaren kamiseta bana zozketatuko dituzte Doberak eta Kronikak elkarteko bazkideen artean. Zozketako emaitzak ekainaren 25ean jakingo dira eta Kronikak jakinaraziko ditu. Dobera Euskara Elkarteak eta Hernaniko Kronikak aurten ekainean egin dute bazkideentzat kanpaina eta hala egingo dute hemendik aurrera ere. Horren barruan, bazkideen artean zozketa egingo dute, eta aukera emango zaie orain bazkide egiten direnei ere zozketan sartzeko.
Eskerrak bazkide guztiei
Doberak eta Kronikak eskerrak eman nahi dizkie elkarteko bazkide guztiei, urtero ematen duten laguntzagatik. Besteak beste, horri eskerrak egitasmo asko dauzka martxan, euskera indartzeko eta zabaltzeko helburuarekin: ume, gazte eta helduengana iristen saiatzen da Dobera elkartea, eta une honetan martxan ditu 12 proiektu.
Horien artean Hernaniko Kronika proiektua dago, aurten San Joanetan 9 urte beteko dituena. Urte hauetan Kronikak herrian erreferente izatea lortu du; gainera, datorren urtean 10. urteurrena duenez, ekitaldi eskaintza zabala prestatzen ari dira.
San Joanetako pelota
jaialdia, bi partidu haundi
Doberak eta Kronikak San Joanetako pelota jaialdi ederrerako sarrerak zozketatu nahi izan ditu. Urtero bezala, Hernaniko Pelota elkarteak bi partidu haundi prestatu ditu ekainaren 27rako. Arratsaldeko 18:00etan hasita jokatuko dute lehenengo partidua: Koka-Eskudero / Saralegi-Ibai Zabala; eta partidu estelarrean: Olaizola I-Begino /OlaizolaII-Mendizabal II.