lehorretik ibiltzeko garaia iritsi zaie waterpoloko jokalariei, baina aurretik bukaera ederra eman diote denboraldiari. Izan ere, mutilen senior taldekoek joan den larunbatean Gipuzkoako Kopa irabazi zuten, Irunen, bertako Oiassso taldearen aurka.
Gipuzkoako Kopa irabazita
Senior taldea, mutilena, Euskadiko Txapelketa jokatzen aritu da, baina partidu klabe batzuk galduta, ez dute aukerarik izan igoera fasean sartzeko, aurreko urteetan bezala.
Hala ere, ez dute eskuhutsik bukatu denboraldia. Gipuzkoako Kopako finala jokatu zuten joan den larunbatean, baita irabazi ere, 4-5eko emaitzarekin. Bigarren urtea dute Txapelketa jarraian irabazten dutena, eta ezin gutxiago egin, ez baitzuten partidu zaila espero.
Emakumeen senior taldea
Emakumeen senior taldeak 6garren egin du Euskal Herriko Ligan. Miguel Angel Redondo entrenatzaileak adierazi duenez, talde berezia da Gipuzkoatik joaten den emakume talde bakarra delako.
Entrenatzaileak azpimarratu du, Hernaniko taldeko 3 lagun joan direla aurten Euskadiko Selekzioarekin Estatu mailako zonaldekako federazio txapelketara. 48 lagun aurkeztu ziren Euskadiko Selekzioarako sailkapenera; horietatik 13 aukeratu zituzten Selekzioarekin joateko, eta 3 hernaniarrak izan ziren, beraz, «harro egoteko arrazoiak baditugu» entrenatzalearen arabera.
Taldeak elkartzeko dituen zailtasunak kontuan izanda, aurten egindako lana ona izan dela azpimarratu du entrenatzaileak, eta hobetzen ari direla.
Jubenilen taldea
hobetzen
Waterpoloko jubenil taldean 95-96 urteen artean jaiotako eta 17 urte arteko lagunek osatzen dute. Lan haundia egin omen dute eta asko hobetu omen dute; «maila hartzen ari dira» entrenatzalearen esanetan, «taldea osatzen ari dira».
Taldea jokalari
berri bila
Entrenatzaileak jendea animatu nahi du waterpoloa ezagutzera, «kirol gogorra da, baina sasoian egoteko oso egokia». Kanpotik erdia besterik ez omen da ikusten baina «ur azpian joko asko egiten da; probatzen baduzu, gustatu egiten zaizu».