urtero bezala jendetza bildu zen Azeri Bila frogan atzo, asko korrika egitera, eta beste asko txalo egitera. Aurtengoan ehundaka korrikalarien artean, azkarrenak Lasarte-Oriako David Martin eta Donostiako Joanna Johnson izan ziren, bata 00:28:42 denborarekin, eta bestea, 00:33:20 denborarekin.
Gizon seniorrak
David Martin eta Raul Viejo, 00:29:03denborarekin, izan ziren azkarrenak sailkapen orokorrean eta atzetik izan zuten Sergio Roman hernaniarra, 00:30:22 denborarekin.
Emakume seniorrak
Emakume seniorretan Joanna Johnson donostiarra izan zen lehena, 00:33:20 denborarekin; Romy Mey lazkaotarra bigarrena, 00:34:07 denborarekin, eta Pili Bodegas Lasarte-Oriakoa hirugarrena, 00:34:13 denborarekin.
Hernaniarrak ere sasoian
Hernanirrak ere ez ziren atzean geratu. Gizon seniorretan Ibai Albak jaso zuen saria 00:30:30 denborarekin; emakume seniorretan, Eva Esnaolak jaso zuen, 00:37:23 denborarekin; gizon beteranoetan Agustin Garinek jaso zuen, 00:33:57 denborarekin, eta emakume beteranoetan, Rosa Ruizek, 00:43:19 denborarekin.