`Hernanin Zero Zabor´ taldeak erakusketa jarri zuen larunbatean, konpostagailuak jartzea bultzatzeko

Hernanin Zero Zabor tal­deak herritarrek euren etxeetan konpostagailua jar­tzea bul­tzatzeko, erakusketa jarri zuten larunbatean Pla­za Be­rrin. Herri­tar bat baino ge­hiago izan zen bertara infor­matzera hurbildu zena. Hernanin Zero Zabor taldea sortu dute Ongarri taldeak eta Topa­gune Berdean bildu den herritar talde batek. Bes­teak beste, taldearen helburua da her­naniarrak kon­tzien­tzia­tzea zaborra ku­dea­tzeko or­duan hi­tzetatik ekin­tzetara pasa beharra da­goela, egun zakarron­tzira bo­ta­tzen den zabor gehiena berzi­kla­­tu edo berrerabili dai­te­keelako. Lan ho­rretan la­gun­du asmoz, Hernanin Zero Za­bor-ek konpostagailua jar­tzera ani­matu nahi ditu aukera daukaten herritar guztiak. 200 konpostagailu herrian Gaur egun Hernanin 183 konpostagailu daude, San Mar­ko­sek banatuak. Beste 17 dira itxa­ron ze­rren­dan daudenak. Horrez gain, gerta daiteke konpostagailua etxean izatea, bai norbere kabuz erosita, edo norberak eginda.