san Joan jaietan herritarren segurtasuna areagotzeko eta istripuak sahiesteko arauen berri eman du Udaleko Babes Zibilak. Adierazi dutenez, herritarren jokabideak zer esan haundia du zenbait kontutan, eta horregatik ondorengo arauak errespetatzea eskatzen du: elementu piroteknikoak ez erabiltzea, umeek debekatuta baitaukate eta ondorio oso larriak izan baititzakete; kalean botilarik ez uztea, edonork hartu eta puska baitezake; eta sokamuturrean 16 urtetik beherakoek parte ez hartzea.
Jaietan lan egiten duten herritarrak gogoan
Bestalde, Babes Zibilak gogoan izan ditu San Joan jaietan herritarren segurtasuna bermatzeaz arduratzen diren langile guztiak. Esandakoaren arabera, jaietan asko dira festari uko egin eta lan egiten dutenak, ahalik eta gorabehera gutxienarekin igaro daitezen: «pertsona askok beraien jaiei uko egiten diete gehiengoak jaiak ahalik eta modurik onenean bizi ditzaten. Horregatik, bereziki pertsona guzti hauek aipatu nahi ditugu: udaltzainak, suhiltzaileak, udaleko zerbitzuetako langileak, DYAko kideak eta abar.