xalaparta Elkarteak Patxi Apezetxea izendatuko du aurtengo Hernaniar Bikaina. Xalaparta Elkarteak titulua bi urtetik behin eskaintzen dio hernaniarren bati. Patxi Apezetxea Txistulari Bandako zuzendari eta irakaslea da. Hernanin jaio zen 1945eko urtarrilaren 30ean. Hernanin ikasi ondoren injenieritza ikasi zuen Donostian, eta bertako irakasle lanetan aritu izan da 43 urtetan. Honetaz gain, Hernaniko Institutuan eta Karmelo Labakan ere aritu izan da zuzendari lanetan.
Xalaparta Elkartearen
27garren urteurrena
Xalapartak larunbatean ospatuko du 27garren urteurrena. 19:00etan meza izango da hildako bazkideak gogoratzeko; 20:30etan Patxi Apezetxeari harrera egingo diote Elkartean eta segidan izango da afaria. 23:00etan mus txapelketako sari banaketa izango da eta 23:15etan izendatuko dute Patxi Apezetxea Hernaniar Bikaina.