JARRAITZAILE ugari dituen Azeri Bila herri lasterketa izango da larunbatean, Urbieta kaletik abiatuta. Aurten 11garren urtea da froga egiten dela. Parte hartzaile gehienak herritarrak izaten dira, baina asko dira inguruko herrietatik etortzen direnak ere. Joan den urtean, helduen proban 300 korrikalarik hartu zuten parte, eta haur eta gazte frogan 500 neska mutilek.
Bederatzi kilometroko
lasterketa
Aurtengo ibildea urterokoa izango da. Urbieta kaletik hasiko dira eta Elkano eta Larramendi kalean barrena joango dira. Ondoren, Lizeaga eta Atzieta kaleetatik barrena Zinkoeneara iritsiko dira. Floridarako bidea hartu eta Sagastialdetik barrena Antziola eta Marielutsera joango dira. Handik Urbieta kalera itzuliko dira. Ibilbideak 4,5 kilometro ditu, eta bi buelta eman beharko dizkiote.
Txikiek neurri ezberdinak
Lasterketako txikienek beren neurriko ibilbideak izango dituzte: benjaminek 600m, alebinek 1.200m, eta infantilek 2.400m.
Izen ematea
Azeri Bilan izena aldez aurretik eman nahi duenak ekainaren 19ra arte izango du aukera. Honako lekuetan eman daiteke: Mitxel eta Axeri kirol dendetan, Donostiako Apalategi eta Laister kirol dendetan, Urbileko Forumen eta www.herrikrossa.com webgunean. Egunean bertan ere eman daiteke izena, Urbieta kalean. Izena aldez aurretik emanez gero 7 euro ordaindu behar dira, eguenan bertan 10 euro.