Preludioarekin gustora gelditu zen jendea

SAN Joanak iragartzeko kon­tzertu ikusgarria izan zen larunbat gauean Pla­zan. Ber­tan bildu ziren herriko musikari, abesba­tza eta dantzariak eta be­ren onenak eman zituzten, gerturatu zirenen go­zamenerako. Aurtengoan, estilo ez­ber­dinetako dantzek protagonismoa hartu dute Preludioan. Garai batean, Tilosetan Mutil dantza dantzatzen zuen lagun koadrila bera atera zen taula gainera, 40 urte be­randuago baina oraindik ere gazte. Tan­goa eta swing­-a ere izan ziren, baita ezpata dantza eta Inude eta Artzaien dantza ere. Errobiren abestiekin egindako moldaketa ere dotoreasko jo zuen Zipri Otxandorenak zuzendatutako taldeak. Eta nola ez, kontzertu bukaeran ez ziren falta izan San Joanak gogora ekarri zituzten Men­dirik Mendi eta San Joan zor­tzikoa.