Hernaniko pelotariak prest daude Bergararen kontrako final haundirako

HERRI Arteko Pelota Txa­pelketako finala jokatuko du gaur Hernanik Bergararen kontra. Bi taldeek ere nor­bere herriko pelotaririk one­nak aterako dituzte fron­toi­ra, txapela eskuratzeko as­motan. Partidua goizeko 10:30­etan izango da, Do­nos­tiako Atano III pelotalekuan. Hernanik Herri Arteko Txapelketako zortzigarren fi­nala du gaurkoa, eta ho­rie­tatik 7 azken hamar urteetan jo­­katuko ditu. Bergarak, al­diz, laugarren finala jo­ka­tu­­ko du, 23 urte finalik jo­katu gabe pasa ondoren. Hernanik, Berastegi (5-1), Ataun (4-2), Azpeitia (4-2) kanpoan utzita lortu du fi­na­lera pasatzea. Bergara aldiz, Andoain (3-3), Az­koi­tia (4-2) eta Donostia (4-2) kan­po­ra­tuta iritsi da finalera.

Final parekatua
Printzipioz, fi­nal berdindua aurreikusten da. Ka­de­teetan, Bergara aterako da fa­borito eta jubeniletan Her­nani. Senior mailako par­tiduak era­baki lezake gaurko finala. Kadete mailan, Lujanbio eta Elorzak jokatuko dute Hernanitik, eta Bergaratik, Ga­llastegi eta Rezustak. Par­tidu honetan, Bergarako Re­zusta pelotari ezkerrak do­minatzea espero da, partidu honetako maila altueneko pe­lotaria baita. Hala ere, Her­nanik baditu aukerak aban­taila hartzeko, Her­na­niko pe­lotariak sasoi ede­rrean dau­delako, eta bes­talde, Ber­garako kadeteek pre­­sio haun­dia izango dute­la­ko par­tidu honetan, izan ere, partidu hau galtzen badute finala galtzeko aukera haun­diak izan di­tza­ke Bergarak. Jubeniletan, Hernanitik Ojuel­-Gorrotxategi aterako di­ra, eta Bergaratik, Rezusta eta Irizar. Hernaniko bikotea ate­rako da partidu honetan fabo­rito. Izan ere Arrieta Gravn torneoko txa­pel­duna da. Par­tidu hau izango da finaleko partidu de­sore­ka­tuena. Senior mailan, Ojuel eta Gorrotxategi aterako dira Hernanitik, eta Bergaratik, Mu­guruza lehengusuak. Par­­tidu oso berdindua es­pe­ro da, eta seguruenera, hau­xe izango da finala erabakiko du­en partidua. Herna­niko bi­kotea bikote sendoa da. Aitor Go­rro­txategi atzelaria maila altua erakusten ari da eta Paul Ojuel aurrelaria au­rre­ra­pauso haundiak ari da ematen. Bergarako bi­ko­tea ere ez da nolanahikoa. Biak ere aurrelariak dira, bai­na txapelketa honetan bikote bezala ari dira jokatzen. Ander Muguruza da atzelari lanetan ariko dena, eta esan daiteke Herri Arteko Txa­pelketako sorpresa izan dela, atzelari lanetan lana txukun egiten ari baita, eta aukera duenean aurrean ere aritzen da. Partidu honetako klabea nerbioak kontrolatzea izan­go da. Printzipioz Hernanik atera beharko luke partidu honetako faborito, baina horrelako final batean edo­zer gauza gerta daiteke.

Partidura joateko deia
Hernaniko pelota elkarteak he­rritarrei dei egin die fi­na­lera joateko, «finalean Axeri Dan­tzaren abestia en­tzutea herna­niarrek galdu ezi­nezko hitzordua baita».