gaur eguerdian, herriko ume eta gazteek Preludio Txikia egingo dute. Horretarako, ikastetxeetako, Kantuz Musika Eskolako eta Ttarla dantza taldeko kideak elkartuko dira eta emanaldi ederra eskainiko dute, gauera arte itxoin gabe. Eguerdiko 13:00etan izango da, Plazan.
Parte hartzaile
mordoska
Herriko bost ikastetxeetako umeak izango dira bertan beren onenak ematen: Elizatxo Ikastola, Inmaculada Ikastetxea, Langile Ikastola, Txirrita Ikastetxea eta Urumea Ikastolako umeak plazan izango dira, musika tresnak eskutan dituztela.
Hernani Musika Eskolako, Kantuz Musika Eskolako eta Ttarla dantza taldeko gazte mordoska ere plazan izango dira, kideek jotako doinuak jarraitzen.
Gustoko errepertorioa
Errepertorioa berriz, gustoko piezekin osatu dute; asko dantza doinu eta abesti ezagunak dira, esate baterako, Amets bat Alaitz eta Maiderrena, eta Sarri Sarri Kortatu taldearena.
Abesbatzak, akordeoi taldeak, bandak, txistulariek, teklado taldeak eta biolin taldeak, denek batera, hiruzpalau pieza ezagun joko dituzte, besteak beste, Imanol Urbietaren Behin Betiko.
Txalapartariak eta albokariak.
Ttarla dantza taldea eta txistulariak:
Inguruko dantza (herrikoia) eta Lantzeko Inauteria (herrikoia).
Lehen Hezkuntza: 5garren eta 6garren mailak:
Txoriak Txori (M. Laboa/J. Artze); Amets bat (Alaitz eta Maider); Sarri Sarri (Kortatu).
Trikitilariak:
Pozez beterik (herrikoia) eta Mama Ines (herrikoia).
Abesbatza, akordeoi taldea, banda, txistulariak, teklado taldea eta biolin taldea:
Behin betiko (Imanol Urbieta); Hernaniko martxa (herrikoia; Kerman Perezek eta Jon Artuzamunoak moldatua); Mendirik mendi (Jose Antonio de Erauskin); San joan zortzikoa (Conde de Torre-Muskiz-ek moldatua).