ASPALDI hasi zituzten Ereñotzun festak, hala ere, gaur eta bihar izango dituzte egun haundiak, ekitaldiz bete-beteak. Gaur bertsolariak eta batez ere herri kirolak izango dira nagusi. Goizean herri kirolen erakustaldia izango da, eta arratsaldean, desafioa.
Mezak
Gaur San Antonio eguna izaki, ezin meza falta San Antonio parrokian; goizeko 08:00etan izango da bat, eta bigarrena, meza nagusia, 10:30etan.
Bola eta toka saioak
Ereñotzun tokan eta bolan aritzeko joera haundia dago; ez alperrik, orain berriro, ereñotzuarrak Euskal Herriko Bola Txapelketan ibiliak dira. Goizean eta arratsaldean izango dira tiraldiak eta bola tiraldia Hernaniko txapelketarako saio puntuagarria izango da.
Herri kirolak
Urtero bezala, aurten ere ez dira herri kirolak faltako Ereñotzuko jaietan. Joxe Angel Sarasola hizlari dutela, Ander Erasun eta Ugaitz Mugerza ariko dira aizkoran; eta Unai Lertxundi eta Agustin Landarbide harri jasotzen. Ondoren, bertsolariak izango dira.
‘Desapiyua’
Roxario Pikabea ereñotzuarra Jon Larraren aurka ariko da, aizkoran eta korrika, zein baino zein gehiago. Plazan izango da, arratsaldeko 18:00etatik aurrera. Korrika saioa egin bitartean, Imanol Paollak eta Suharri Goardik harri jasotzeari ekingo diote.
GAURKO EGITARAUA
-12:30 Herri kirolak
plazan: aizkolariak
eta harri jasotzaileak.
-Ondoren, Bertsolariak:
Jexux Mari Irazu eta
Jokin Sorozabal.
-10:00-12:00/17:00-18:00 Bola eta Toka txapelketa
(Hernaniko txapelketarako saio puntuagarria).
-18:00 Bertsolariak:
Jexux Mari Irazu eta
Jokin Sorozabal.
-Ondoren, Desapiyua:
Jon Larrañaga Larra
eta Roxario Pikabea
aurrez aurre. Egin beharrekoa:
kana erdiko 4 enbor
moztu eta 6 km korrika.
Bitartean, Imanol Paolla eta
Suharri Goardi 100 kiloko harri
zilindrikoarekin.
-00:00 Laiotz taldearekin
parranda goizaldera arte.