san Antonioak bete-betean daude Ereñotzu aldean. Gaur ekintzez eta festa giroz betetako astebukaerako egitarauari emango diote hasiera. Arratsalde partean haurrentzako ekitaldiak izango dira: 15:00etan, Txirrita Ikastetxeko ikasleen emanaldiak izango dira; 17:30etan, haur jaialdia izango da futbol zelaian, eta segidan, txokolate jatea. Arratsaldeko 20:30etan urteroko zikiro jatea egingo dute, plazan. Gauean Trakets taldeak girotuko du parranda.
Irubidieta-Ugaldetxon atzo
Atzo goizean Irubidietan eta arratsaldean Ugaldetxon izan zen festa. Bola tiraldia, bertsolariak, pelota partiduak eta Kupelaren erromeriarekin gozatzeko aukera izan zen.