Irubidietan eta Ugaldetxon ospatuko dira gaur San Antonioak

SAN Antonioak ospatuko di­ra gaur goizean Iru­bi­die­tan, eta arratsaldean, Ugal­de­­txon. Goizeko 11:30etan hasiko da festa Irubidietan, bola eta toka txapelketarekin. Xabier Legarreta eta Agin Rezola bertsolarien le­hen saioa izango da tartean. Hamaiketakoa egiteko aukera ere izango da Irubide ja­tetxean. Ugaldetxon arratsaldeko 17:30etatik aurrera izango da festa giroa. Pelota partiduak izango dira lehendabizi. Pa­laz, Lizeaga-Pa­golak Otxo­to­r­ena-Zaba­le­gi­ren kontra jo­katuko dute; eta eskuz, Za­piain-Li­­­zeagak Noble-Elor­zaren kon­tra. 19:00­etatik au­rrera toka txapelketa izango da. Segidan, Xabier Le­garreta eta Agin Rezolak bigarren bertso saioa eskainiko dute. Iluntzean, 20:30etatik aurrera, Kupela taldeak jarriko du dantza eta festarako giroa Ugaldetxon.