ALKOHOLIKO Anonimoek, mundu mailan, 74 urte bete zituzten atzo. Lehenengo elkartea AEBetako Ohion sortu zen, eta pixkanaka-pixkanaka zabaltzen joan ziren. Hernanin ere sortu zen taldea, 1968garren urtean, Santa Barbara Alkoholiko Anonimoen taldea (Grupo Santa Barbara de Alcoholicos Anonimos) izenarekin.
Urteurrena aprobetxatuta, gaur hitzaldi informatiboa eskainiko dute, arratsaldeko 19:00etan, taldeak gaur egun duen egoitzan, Sandiusterriko bajoetan.
Gaixotasun sendaezina
Alkoholismoa gaixotasuna dela garbi utzi nahi izan dute, eta taldea inongo sekta edo alderdi politikorekin loturarik ez duela ere bai. Erabakiak norberak hartzen dituela eta inor ezertara behartzen ez dutela ere garbi utzi dute.