Gaur hasiko dira Ereñotzuko San Antonioak, etxaferoak botata

GAUR arratsaldeko 20:00 ­e­tan, kanpai hotsekin eta etxaferoak botata, hasiko dira Ereñotzuko San Anto­nio­ak. Animazioa aprobetxatuta, po­te batzuk hartzeko hitzordua egin dute, segidan.

Bihar Irubidieta eta Ugaldetxon
Bihar goizean, Irubidie­tan, eta arratsaldean, Ugal­detxon izango da festa. Irubidietan, bola eta toka txapelketa izango da goizeko 11:30etatik au­rrera. Agin Rezola eta Xa­bier Legarreta ere izango dira bertsotan. Arratsaldean, Ugal­­­de­txon, pelota partidu­ak jokatuko dira, 17:30etatik au­rre­ra. Toka txapelketa ere izan­go da segidan, baita ber­tso­larien bigarren saioa ere. Iluntzean Kupela taldearekin dantzan aritzeko aukera izango da.

Ostiraletik igandera Ereñotzun
Ostiral arratsaldean, Ere­ñotzun haurrentzako ekitaldiak izango dira: Txirrita ikas­tetxeko haurren emanaldiak; haur jaialdia eta txokolatada. Afaltzeko zikiro jatea prestatuko dute. Gauean Tra­ketsekin dantzaldia izango da. Larunbatean, San An­to­nio egunean, herri kirolak izango dira nagusi Ere­ño­tzu­ko plazan. Eguerdian aizkolari eta harri jasotzaileak izango dira, eta 18:00etan, Jon La­rrañaga eta Rosario Pika­bearen arteko desapiyua, aizkoran eta korrika. Jesus Mari Irazu eta Jokin Sorozabal ere izango dira bertsotan. Gau­e­an Laiotzek girotuko du pa­rranda. Igandean, sagardo probaketa antolatu dute eguerdi par­tean. Ttarla dantza taldearen emanaldia ere izango da, aldi berean. Arra­tsal­dean, bertso jaialdia izango da eta jaietako errifaren zozketa egin ondoren, San Anto­niotako bukaera ekitaldia izango da. 

EGITARAUA

Ekainak 10, asteazkena
20:00 Festen hasiera, kanpaiekin eta etxaferoekin.
Segidan herri poteoa.
Ekainak 11, osteguna
• FESTA IRUBIDIETAN:
11:30 Bola eta toka txapelketa.
Bertsolarien lehen saioa: Xabier Legarreta eta Agin Rezola.
Hamaiketakoa Irubide jatetxean.
• FESTA UGALDETXON:
17:30 Pelota partiduak, Ugaldetxoko frontoian:
-Neskak palaz: Lizeaga-Pagola/Otxotorena-Zabalegi.
-Mutilak eskuz: Zapiain-Lizeaga/Noble-Elorza.
19:00 Toka txapelketa.
Ondoren, bertsolarien bigarren saioa.
20:30 Kupela taldearekin erromeria.
Ekainak 12, ostirala
15:00 Txirrita ikastetxeko kurtso bukaerako jaialdia, kultur etxean.
17:30 Haur jaialdia, futbol zelaian.
Ondoren, txokolatada.
20:30 Zikiro jatea, plazan. Txartelak salgai Ur-mia elkartean eta Irrintzi tabernan.
00:30 Denak plazara.
Ondoren, Trakets taldearekin parranda.
Ekainak 13, larunbata
12:30 Herri kirolak plazan. Hizlaria Joxe Anjel Sarasola. Ander Erasun eta Ugaitz Mugerza aizkolariak; Unai Lertxundi eta Agustin Landarbide harrijasotzaileak.
Ondoren, Jexux Mari Irazu eta Jokin Sorozabalen bertso saioa.
10:00-12:00/17:00-18:00: Bola eta toka txapelketa.
18:00 Jesus Mari Irazu eta Jokin Sorozabalen bertso saioa.
 Ondoren, desapiyua. Jon Larrañaga, Larra eta Rosario Pikabearen artean. Imanol Paolla eta Suharri Irazustabarrena Goardi harri jasotzen.
00:00 Laiotz taldearekin parranda goizaldera arte.
Ekainak 14, igandea
08:30 Hernaniko txistulariekin diana.
11:30 Sasgardo probaketa.
12:00 Ttarla dantza taldearen emanaldia.
19:00 Bertso jaialdia: Joxe Agirre, Julio Soto, Maialen Lujanbio, Uxue Alberdi, Iker Zubeldia eta Igor Elorza.
Ondoren jaietako errifaren zozketa.
Jarraian, Festei bukaera emango zaie, suziriak botata.