GAUR izango da Osiñagako jaien bigarren eta azken eguna, eta omenaldiak, bazkaria eta auzo kirolak izango dira Arriatsuko eskolan. Egun osoan zehar, Xapre trikitixa taldea izango da auzoa girotzen, eta jaiei amaiera emateko arduradunak ere izango dira. Festa eguna goizeko 12:00etan hasiko dute, auzokoak gogoratuz beheko zubian. Ondoren, Arriatsura gerturatuko dira, eta pelota partiduko finalak jokatuko dituzte. Ordubete beranduago, Osiñaga Jazz Bandaren emanaldia izango da, auzokideek osatzen duten taldearena. Segidan, auzotar ugari biltzen dituen herri bazkaria izango da, eskolan bertan. Arratsaldean berriz, auzotarrek beren abilezia erakusteko aukera paregabea izango dute, auzo kirolak izango baitira: trontza, txingak, soka tira, saku karrera eta abar.
Imanol `Paolla´garaile
abere deman
Atzoko eguna ere festa giroan pasa zuten Osiñagakoek eta bertara hurbildutako guztiek. Jende asko arratsaldean inguratu zen abere dema ikustera. Imanol Paolla eta Azkonobieta izan ziren aurrez aurre, euren zaldia eta behorrarekin deman. Dema Imanol Paollak irabazi zuen, alde nabarmenarekin, 76 plaza eginda; Azkonobietak 44 egin zituean.