Hernaniar asko bildu zen Marian Beitialarrangoitiaren epaia salatzeko eta Alkateari babesa emateko

OSTIRALEAN atera zen Marian Beitialarrangoitia al­kat­earen aurkako epaia, eta Auzitegi Nazionalak urte­beteko kartzela zigorra eta zazpi urteko inha­bi­litazioa ezarri dio. Alka­tearen defen­tsak, epaiaren kontrako erre­kurtsoa aur­keztuko du. Epaia salatzeko eta Alka­teari babesa emateko, Ezker Abertzaleak manifestazioa deitu zuen atzo. Martxa hasi aurretik, herritar asko bildu ziren Udaletxeko arkupetan Ezponda alkate ohiaren eta Marian Beitialarrangoitiaren hitzak entzutera. Ezpondak salatu zuen epaia emateko orduan Auzitegi Nazionala azkar ibili dela eta herri­tarrak direla horri erantzuna eman behar diotenak: «Au­zitegi Nazionala presaka ibili da epaia ahalik eta azkarren emateko. Orain, herritarrok gara elkartu eta horri erantzuna eman behar dio­gunak. Orain arte egindako guztia ez da nahikoa eta bo­rrokan jarraitu behar dugu» Ondoren, Alkateak hartu zuen hitza eta adierazi zuen garbi dagoela epai honekin bilatzen dutena eta guztiek elkarrekin egin beharko dutela lana, pausu sendoak emanez: «sententzia hau ez da bere hutsean ulertu behar, jakin behar dugu ez dela aurrena izan eta ez dela azkena izango. Ezker Aber­tzalearen aurkako estrate­gia­ren barruan ulertu behar da, ez da niri zuzenean, per­tso­nalki egindako erasoa. Ta­malgarria den arren, mai­tasun adierazpen batzuei, tor­tura salaketei baino ga­rrantzi gehiago ari zaie ema­ten, baina ez dute lor­tuko gu isilaraztea. Ho­rre­lako eraba­kiei aurre egiteko egunero la­nean jarraitu be­harko dugu, pausoak el­karrekin eta pixk­anaka eman behar ditugu». Ondoren manifestazioa egin zen, herriko kaleetan.