«Eusko Legebiltzarreko egungo gobernua luzerako gobernua izango da»

AINTZANE Ezenarro izan zen ostegunean Her­­nanin, Aralar alderdiko Eusko Le­gebiltzarreko ordezkaria. Aur­­­­­kezpen lanean izan zen Ernesto Merino, Aralarreko or­­dezkaria. Aitzane Eze­na­rrok Eusko Lege­bil­tza­­rre­rako hauteskundeen on­do­rengo egoera politikoaren az­terketa egin zuen hi­tzal­dian. Eze­narroren iri­tzira, egungo go­bernua luzerako go­bernua izango da, «Estatu arrazoiak me­dio PPk ez dio­lako PSE-EE­ri babesa ken­du­ko, nahiz eta desa­dos­ta­sunak izan eta horren on­do­rioz go­bernu dese­gon­korra izan».

Hauteskundeen ondorengo irakurketa
Eusko Legebiltzarrerako hau­­­­­­teskundeen ondo­renean, lau ondorio nagusi aipatu zi­tu­en hitzaldian Aintzane Eze­narrok.

1.-«Al­der­dien Legeak au­rrera egin du PSOE go­bernuan dela. Al­­derdi so­zialistak esan due­naren kontra es­kuin es­paino­lis­tarekin bat egin du eta euskalduna ez den go­ber­nua ezarri du. Luzerako go­bernua izango da, PPk ez diolako PSE-EEri babesa ken­duko, aber­tza­leak go­ber­nuan egon ez dai­te­zen; nahiz eta haien artean de­sa­dos­tasunak izan eta nahiz eta egonkortasun falta haun­dia duen gobernua izan. Opo­sizioak Le­ge­gin­tzaldi guzti­rako prestatu be­har dugu».

2.-«Herri honetako sek­tore zabal bat Eusko Lege­biltzarretik kan­po geratu da. Guk uste du­gu egoera an­­tidemo­kra­tikoa izan arren Legebiltzarrean egon egin behar dugula. Aralar Ezker Abertzaleko sek­tore horrekin harre­manetan jarri da eta el­kar­lanean aritzeko bo­ron­da­tea adierazi du, hain­bat eki­men aurrera ate­ra­tzeko. Ez dugu erantzunik ja­so».

3.-«Gero eta garbiago ikus­ten dugu Hego Euskal He­­­rrian 4 espazio politiko dau­dela. Espainolismoaren ba­rru­ko bi espazio (PP eta PSE-EE) eta abertzaletasu­na­ren barruan beste bi es­pa­zio: zen­tro eskuin kon­tser­ba­do­rea (EAJ-PNV) eta Ez­ker Aber­­­­­tzalea. Bi espazio horien artean ibili direnak, an­bigui­ta­tean, behera egin dute hau­teskundeetan. Herrita­rrek era­kutsi dute guk garbi hitz egitea nahi dutela. Aralarrek garbi hitz egin du. Gu Ezker Aber­tzalea gara, ez dugu inorren bai­menik behar es­pazio horretan ko­­katzeko. Hau­teslegoak eman digu ho­rretarako zilegitasuna».

4.-«Aralar indartu egin da. Bikoztu baino gehiago egin ditugu botoak. Proiektu politiko hau ezaguna egin den neurrian arrakasta lortu du. Aralarrek erantzun egin dio eskari sozial bati. Ez du­gu ETAk egingo duenaren zain egon behar, gure proiek­tu po­liti­koa garatzeko».

Krisia, elkarrizketa politikoa, euskara eta giza eskubideak Ezenarrok aipatu zuen ez­kerrekoa izatea ez dela instituzioetatik datozen pro­posamenei ezezkoa esatea. Bi­de horretan aipatu zuen Aralarrek proposamen zeha­tzak dituela. Krisiari erantzun sozial bat eman behar zaiola adie­razi zuen, «gobernuek ban­ke­txeei eta enpresekin egin dituen erreskate planak ez dira alor sozialean egin. Guk pro­­posamen zehatzak ditugu». Elkarrizketa politikoari da­gokionean aipatu zuen PSE-EEk transizioa bukatu de­la adierazi duela, «dio ge­hien­goa konforme dagoela egun dagoen marko po­liti­koarekin. Hori ez da egia. El­karrizketa politikoa agen­da politikoaren erdi­gunean man­­­­­tendu behar da». Euskara eta hizkuntzari bu­ruz aipatu zuen atze­rapausoak ari direla ematen, «hartu diren neurriak ikusi besterik ez dago, EITBko buru berriak, esaterako, ez daki euskeraz». Giza eskubideei dago­kio­nean esan zuen, ukatu egin nahi dutela ETAren bik­ti­me­taz aparte beste bik­ti­ma­rik da­goenik, «biktima guz­tien errekono­zimendua­ren al­­de lanean jarraituko dugu». Gi­zon eta emakumeen ber­din­ta­sunaren alde lanean jarrai­tuko dutela ere adierazi zuen. Bukatzeko deia luzatu zuen, «bakoitzak bere ere­mu­tik lan egin dezan, Ara­larren proiektu po­litikoak aurrera egin dezan».