BALMASEDAREN kontra hasiko du Hernanik 3garren mailara igotzeko igoera fasea. Igoera fasea Gipuzkoan, Bizkaian eta Arabako Gorengoen Mailetan 2garren geratu direnek jokatzen dute, hau da Hernanik, Balmasedak eta Vitoriak. Bakoitzak bi partidu jokatu beharko ditu, alegia, igoera fase triangularra izango da.
Aurreneko partidua
Balmasedan
Igoera faseko aurreneko neurketa asteburu honetan jokatuko da, bihar, eta aurrez aurre izango dira Hernani eta Balmaseda. Partidua bizkaitarren zelaian jokatuko da, arratsaldeko 17:00etan hasita.
Igoera faseko bigarren partidua datorren astean jokatuko da, Vitoria eta Balmasedaren artean. Azkenik, igoerako hirugarren partidua Hernanin jokatuko da, Hernani eta Vitoriaren artean.
Jon Loran CD Hernaniko koordinatzaileak adierazitakoaren arabera, hiru taldeak maila beretsukoak dira: «Balmaseda eta Vitoria Hernaniren maila berekoak dira, beraz, aldez aurretik ez dago faboritorik. Gure maila emateko gai bagara, igoera fasea irabazteko aukerak dauzkagula uste dut».
Aurreneko partidua
irabaztea inportantea
Hirugarren mailara igotzeko aukera igoera fasea irabazten duenak bakarrik izango luke. Hori kontuan izanda, Hernanik biharko partidua irabaztea premiazkoa izango da.
Igoera faseko bi partiduak irabazten dituen taldea ziur izango litzake txapelduna. Hala ere, gerta daiteke partidu guztiak jokatuta hiru taldeek partidu bana irabaztea. Horrela izanez gero, gol avaragea hartuko litzateke kontuan.
Hirugarren mailako
emaitzen zain
Hernanik igoera fasea irabaztea lortuko balu, Amurrio eta Lagun Onaken emaitzen zain geratu beharko luke. Hirugarren mailan euskal talde kopuru jakin batek bakarrik joka dezake. Aurten Sanse Bigarren B mailatik jaitsi da, eta Lagun Onak eta Amurrio igoera fasea jokatzen ari dira, Bigarren B mailan. Hortaz, Hernanik Hirugarren mailan jokatzeko, igoera fasea irabazteaz gain, Lagun Onaken eta Amurrioren igoeren zain egon
beharko luke.
Balmasedarako autobusa
Hernaniko zaletuak
Balmasedara animatzera joan daitezen, CDHernanik autobusa antolatu du. Izena atzo arte eman zitekeen, eta autobusa bihar, 14:30etan, aterako da Atsegindegitik.