TOPAGUNE Berdea egitasmoaren bilera izango da gaur. Gaurkoan herri antolamenduaz hitz egingo dute. Zehazki Udalak Arau Subsidiarioak zertan diren azalduko du. Bilera goizeko 10:00etan izango da, Udaletxeko 1go solairuan. Arau Subsidiarioek hirigintza aldetik herria nola antolatuko den aurreikusten dute: etxebizitzak; ekipamenduak (parkeak, kultur eta kirol instalazioak...); eta trafikoa eta aparkamenduak nola antolatuko diren, besteak beste. Arauak Diputazioak onartu behar ditu. Udalak aurretik aurkeztu zituen arauak Diputazioak onartu egin zituen, baina baldintza batzuk jarri zituen. Azken hilabeteetan baldintza horietara egokitzeko moldaketa lanetan aritu da Udala. Arauak moldatzeko lanak zein fasetan dauden azalduko dute gaurko bileran eta baita zein irizpide ari diren erabiltzen.