OSIÑAGAKO jaiak izango dira asteburuan, udako jai bolada hastera doanaren seinale. Izan ere, Osiñagakoak izaten dira Ereñotzuko San Antonioak, San Joanak eta herriko beste auzoetako jaiak laister etorriko direla iragartzen dutenak. Larunbatean egitaraua puntaraino beteta izango dute Osiñagan. Goizeko 10:00etan haurrentzako bizikleta buelta antolatu dute, baita beste zenbait jolas ere. Jai hasierako txupinazoa eguerdiko 12:00etan izango da. Ederki bazkaldu ondoren, urtero jendetza biltzen duen abere dema izango da. Imanol Paollaren zaldia Urnietako Azkonobietaren behorrarekin neurtuko da, 800 kiloko harriarekin. Segidan, auzokoen arteko pelota partiduak, bertsolariak, sagardo eta bakailu dastaketa eta Laiotzekin dantzaldia izango dira.
Igandean ere bai
Igandean, eguerdi aldera hasiko dira festetako ekitaldiekin. Pelota partiduak ere izango dira eta segidan auzoko musikariek beren onenak emango dituzte Arriatsuko tabladuan. Eguerdian ederki bazkaldu ondoren, herri kirolak, bertsolariak eta Xaprerekin dantzaldia izango dira, jaiak behar bezala bukatzeko.
Ekainak 6, larunbata
10:00: Mountain bike
haurrentzat, auzoan zehar. Ondoren hamaiketakoa.
12:00: Txupinazoa eta
haur jolasak.
14:00: Bazkaria.
17:00: Abere dema: Imanol Paollaren zaldia eta Urnietako Azkonobietaren behorra. 800 kiloko harriarekin.
Ondoren: Auzokoen arteko
pelota partiduak.
Ondoren: Bertso saioa Hernaniko eskolako
bertsolariekin.
19:30: Sagardo eta bakailu dastaketa. Doinu zale eskolako musika taldea ariko da girotzen. 23:00: Dantzaldia Laiotzekin
Ekainak 7, igandea
12:00: Auzokoak gogoratuko dituzte beheko zubian.
12:30: pilota
partiduetako finala.
13:00: Osiñagako
Jazz Band-aren emanaldia,
ondoren Telleria eta Peñagarikano bertsolariak.
14:00: Bazkari
herrikoia, Arriatsun.
Ondoren: Auzoko kirolak. Trontza, txinga, soka-tira, zaku karrera eta abar. Bertsolariak.
20:00: Dantza Xapre
taldearekin.
Igandean, egun osoan zehar, Xapre taldea arituko da auzoa girotzen.