EAJk galdetu du zergatik jarri duen Gobernu taldeak kirol zuzendari berria Kirol Patronatuan

EAJ-PNVko bozeramaileak, Andoni Amonarraizek, prentsa ohar baten bidez salatu du Gobernu taldearen gestioaren bueltan «beste sorpresa» baten berri izan duela Kirol Pa­tronatuko juntan. Bozeramaileak dio Kirol Patronatuko kirol zu­zen­dari berria jarri duela Gobernu taldeak, «kiroldegiko ikastaroak emateko kontratatu zen enpresan mo­nitore lanetan aritzen zen per­tsona bat». Andoni Amona­rraizek galdetu du ia zergatik ez den bete orain artean bezala kirol zuzen­dariaren baja: «baztertu egin al dute orain artean baja hori bete duen pertsona, gehiengoak (oposizio osoak) aldarrikatzen zituen es­ku­bideen alde egiteagatik? Zergatik jarri da pertsona berri bat, orain arteko langileak lana ondo egin due­nean eta diru gutxiago kostatzen zitzaigunean? Zein zerrendatan zegoen baja beteko duen pertsona postu hori eskuratu ahal izateko? Zergatik esan da orain artean baja betetzen zuen pertsona ez dela lanpostu horretan jarri inongo zerrendetan ez zegoelako, eta gero lan­gile berria jartzerakoan ez da baldintza hori bete?». Andoni Amonarraizek dio ez duela sinisten mendekuan, ez alperrik dirua gastatzean, ez eta Gobernu taldeak herria ges­tionatzeko duen moduan ere.