Peru Alfarok aurreneko egin du Espainiako Triatloi txapelketarako sailkapen proban

HERNANIKO kirolariak pun­ta puntan dabiltza, eta horren adibide garbia dira asteburuan Peru Alfarok eta Maitane Danboreneak lortu dituzten markak.

Peru Alfaro aurrenekoa
Madrilen Peru Alfaro hernaniarra Ma­dri­len izan zen asteburuan, Espai­niako Triatloi Txapelke­tarako sailkapen proban. Au­rre­ko asteburuan Gor­li­zeko triatloia irabazi ondoren, larun­ba­tean ere aurreneko geratu zen Madrilen, sasoi betean dagoela erakutsita. Larunba­tean irabazita, Espai­nako Txa­pelketarako zuzenean sailka­tzea lortu du, eta baita Es­painiako rankingean gora egitea ere. Uda bezpera gogorra izaten da triatletentzat, eta orain Fe­rrolen izango den klasifikatoriarako prestatzen ari da, he­mendik bi astera izango dena.

Maitane Danborenea hirugarren
Maitane Danborenea herna­nia­rrak ere marka paregabea egin zuen larunbatean. Ma­nolo Garcia Sarian hartu zuen par­te, eta hirugarren pos­tua lortu zuen 100m bizkar proban. 1.08.60ko denbora egin zuen, eta honi esker Es­pai­niako Uda­ko Absolutu mai­lako txapelketarako sailkatu da. Hemendik hiru astera, igerilari hernaniarrak Ha­rri Garmendia sarian hartuko du parte, 200m bizkar proban. Sari berean parte hartu zuten honako igerilariak ere oso txukun aritu ziren: Mi­ren Bajardi, Ianire Ezeiza eta Ai­tor Huizi. Bes­talde, asteburuan Lasarten izan zen Li­gako 6garren jardunaldietan parte hartutako igerilariak ere oso ondo aritu ziren.