Yone Boutiquek galdu egin zuen Oñatin

Bukatu da denboraldia, eta lehen mailarako pasea lortu du Yone Boutique areto futboleko taldeak. Hala ere, larunbatean partidu garrantzitsua jokatu zuen, izan ere, bigarren mailako Gipuzkoako irabazlea nor izango zegoen jokoan. Oñatiko Donibane Pari Berriren kontra aritu ziren eta 5-4 galdu zuten. Hasi eta berehala besteek gola sartu zuten, hernaniarrek aukera izan zutenean ez zuten aprobetxatu, bero zegoen, eta une batean berdintzea lortu bazuten ere, besteak beti aurrean ibili ziren. Honako jokalariak aritu ziren: Gari, David, Miguel, Rober, Iosu, Paco eta Igor. Taldeak jokalariak zoriondu nahi izan ditu denboraldi osoan egindako lanarengatik, eta publikoari eskerrak eman nahi izan dizkio bere babesarengatik.