finalerdietan dira dagoneko Hernaniko pelotariak Herri Arteko Pelota Txapelketan eta oraingoz behintzat oso ondo dabiltza. Ostiralean joaneko kanporaketa jokatu zuten, baita irabazi ere, 2-1, Azpeitiko aurkari sendoaren aurka. Azpeitia joan den urteko txapelduna, arerio gogorra da, eta partidu zaila espero zuten. Pozik egoteko arrazoia badute.
Kadeteek eta jubenilek irabazi
Kadeteetan, Eneko Lujanbio eta Jon Ander Elorza aritu ziren, Aizpuru eta Eizmendi azpeitiarren aurka. Erraz irabazi zuten eta neurriko emaitza lortu zuten, 22-10.
Jubeniletan, Ioritz Arrieta eta Eneko Aizpitarte aritu ziren, Azpeitiko Etxaniz eta Murgiondoren aurka, eta hauek ere gehiegi nekatu gabe irabazi zuten, 22-8.
Seniorrek galdu
Seniorrek, Paul Ojuel eta Aitor Gorrotxategik, ez zuten zorte bera izan, Larrañaga eta Uzkudun aurkarien aurka eta 22-15 galdu zuten; maila oneko pelotariak izaki, ikuskizun polita eskaini zuten.
Itzulerako partidua
Orain itzulerako partiduaren zain daude, baina itxura guztien arabera, hernaniarrek zeresana emango dute.