Mus txapelketa gaur Osiñagan, datorren asteko festei aurrea hartuta

OSIÑAGAKO jaiak gainean ditugu dagoeneko, eta festa giroan murgiltzen hasteko mus txapelketa izango da gaur. Arriatsuko eskolan izango da tapelketa, arratsal­deko 16:00etatik aurrera. Bikoteak momentuan bertan eman behar dute izena, eta 10 euro ordaindu behar dute. Txapelketa gaur hasi eta gaur bukatuko da. Mus txapelketako bikote onenak bi urdaiazpiko eta trofeoak irabaziko ditu; bi­garren geratzen denak arku­me eder bat eta trofeoak; eta hirugarren eta laugarren geratzen direnek txuletak irabaziko dituzte.

Festen txupinazoa larunbatean

Festak ofizialki datorren hasteko larunbatean hasiko dira. Azken urte guzti haue­tako tradizioari jarraitu­ta, goizeko 10:00etan Moun­tain bike lasterketa izango da umeentzat, auzoan zehar. Ondoren, partehartzaile guz­tiek indarrak hartuko dituzte txupinazorako, Arriatsun izan­go den hamaiketakoa­n. Txupinazoa eguerdiko 12:00­etan izango da, eta suziria lehertu bezain laister haur jolasak izango dira. Eguerdiko 14:00etan, auzoko antolatzaileek bazkaria izan­go dute.

Arratsaldean abere dema ikusgarria

Arratsaldeko 17:00etan hasi­ta, jendetza biltzen duen abere dema ikusgarria izan­go da Arriatsun. Aurrez au­rre izango dira Imanol Pao­lla­ren zaldia eta Ur­nietako Azkonobietaren be­horra. 800kg harriarekin egingo dute dema. Demaren ondoren, au­zokoen arteko pelota par­tiduak izango dira, final aurrekoak. Segidan, bertso saioa izango da Hernaniko eskolako bertsolariekin. Arratsaldeko 19:30etan sa­gardo eta bakailu dastaketa izango da, Doinu Zaleko tal­deak girotuta. Gauean berriz, parran­darako gogoa duenak izango du aukera, 23:00etatik goi­zal­dera arte dantzaldia izango baita Laiotz musika tal­dea­rekin.

Igandean bazkaria eta herri kirolak

Igandea festetako azken egu­na izaten da eta, egun berezia izaten da auzo­tarrentzat. Eguer­diko 12.00­etan auzo­koak gogoratuko dituzte be­heko zubian. Ondoren pelota partiduko finala jokatuko da. Bazkaldu aurretik Osiñaga Jazz Band-en emanaldia izango da, eta segidan Telleria eta Peñagarikano bertsolariak arituko dira bertsotan. Eguerdiko 14:00etan baz­kari herrikoia izango da, Arriatsun. Bazkari berezia izaten da hau auzotarrentzat, urtean behin auzoko bizilagun guztiak biltzeko aitzaki polita izaten baita. Bazkalostean auzo kirolak izango dira. Indarrak ondo berreskuratu ondoren, auzo­tarrak zein baino zein arituko dira trontzan, txinga era­maten, soka tiran, zaku karreretan eta abar. Auzo­koek kirola egiten duten bitartean, bertsolariek festa girotuko dute. Aurtengo festei amaiera Xapre taldeak emango die, egun osoan zehar giroa alai­tzen arituko den taldeak.