HERNANIKO Musika Eskolak antolatuta, Oliteko Jesus Garcia Leoz Musika Eskolako ikasleen kontzertua izango da gaur eguerdian. Jesus Garcia Leoz Udal Musika Eskola Oliteko udaletxeak sortutakoa da. Olite herrian musika zaletasun haundia dago, eta eskola joan den mendeko 70garren hamarkadan sortu zen. Eskola azken 150 urtetan herrian dagoen Bandaren abiapuntua izan zen.
200 ikasleko eskola
Gaur egun 200 ikasle inguruk ikasten dute Oliteko musika eskolan, eta orain herrian dauden hainbat talderen aintzindari da: Musika Banda, Abesbatza, eta abar. Musika Eskolan duten eskaintza zabala den arren, gehienbat Musika Banda osatzen duten instrumentuak irakatsi eta ikasten dira bertan; esate baterako pianoa, bibolina, biola eta abesbatza. Oliteko Musika Eskolan, beste musika eskoletan bezala, taldeek garrantzi haundia dute, eta aurten orkesta sortu berri dute. Beraz, entzun nahi izanez gero gaurkoan aukera aparta dute hernaniarrek.
Orkestra eta
bandaren kontzertua
Kontzertua eguerdiko 12:30etatik aurrera izango da, Plazan, eta bi zati izango ditu: Sokako orkestraren kontzertua eta Musika Bandaren kontzertua. Sokazko Orkestrak honako bost abestiak joko ditu: Pequeño divertimento nº8, March from ´musique d´enfants`, Sweet dreams, The entertainer, eta Yellow submarine. Musika Bandak berriz, lau abesti joko ditu: Olympic fanfare, Calahorra, Latin Mood (cha cha cha, bossa eta samba bertsiotan), eta Voices.