AZKEN partiduetako emaitzekin sailkapeneko egoerari buelta eman ondoren, Hernanik bere eskuan du igoera fasea jokatzeko pasea. Gorengoen mailako aurreneko postua aspalditik erabakia izan arren, bigarren postua lortzeko lehia bizia izan da azken jardunaldietan. Orain Hernani dago 2garren postuan 61 punturekin, baina atzetik datozen hiru taldeak 2 puntu gutxiago besterik ez dituzte. Biharkoa denboraldiko azken neurketa izango da txuri berdeentzat, eta UPV Vasconiaren kontra jokatuko dute, etxetik kanpo. Vasconiak erdipurdiko denboraldia egin du, eta jokoan dagoena ikusita, Hernanik ez luke arazorik behar partidua irabazteko. Partidua Martuteneko futbol zelaian jokatuko da, bihar arratsaldeko 17:30etatik aurrera.
Garaipenaren bila
Hernanik bihar garaipena lortuko balu igoera fasea jokatzeko pasea lortuko luke. Berdinketa lortuz gero edo partidua galduz gero berriz, gainontzeko taldeen emaitzen zain geratu beharko lukete.