Karabelgo zubia kotxeentzako moztuta izango da astelehenetik aurrera

ASTELEHENEAN, ekainak 1, hasiko dira Ibaiondo poligonoa eta Zinkoenea lotzen dituen zubiko obrak, Kara­belgo zubikoak alegia. Hor­taz, egun horretatik au­rrera ezin izango da ko­txez bertatik pasa. Karabelgo zubiaren konpontze lanak bost hilabete inguru iraungo dutela au­rreikusi dute. Hori dela eta, autoek herrira sartu nahi badute beste bi sarrerak erabili beharko dituzte: Axala­koa eta Sandiuste­rrikoa. Hala ere, oinezkoen lanak egiten diren bitartean, une batzuetan kotxeek zubia zabalik izango dute Zinkoe­neatik Ibaiondo poligonora joateko. Beste batzuetan or­dea, bidea erabat itxita izango da eta kotxeek Balantxa aldera jo beharko dute.