buruntzaldeko Udalek Aukera ezazu, aukera gehiago eta hobeak izan ditzazun matrikulazio kanpainaren aurkezpena egingo dute astelehenean. Biteri kultur etxean izango da, eguerdiko 13:00etan. Buruntzaldeko Udalek euskerazko egitasmoak elkarlanean emateko hitzarmena sinatu zuten 2002an. Orain, euskeraren egoera hobetzeko proposamena garatzea erabaki dute, 2008-2009 ikasturtean, Derrigorrezko Bigarren Hezkuntzaren Ondorengoan.
Arrazoiak orain dela
zenbait urtetatik agerian
Hainbat arrazoi izan dira Udalerriei egitasmo hau martxan jartzea bultzarazi dietenak. Adierazi dutenez, DBHko eta DBHOko hizkuntza ereduen artean desoreka haundia dago Buruntzaldean: «DBHn eta Batxilergoan D ereduaren nagusitasuna ia erabatekoa da, baina zikloetan ordea nagusitasun hori ez da ematen».
DBHOko egitasmoa martxan jartzeko beste arrazoia da, esan dutenez, lan munduan euskeraren presentzia geroz eta haundiagoa dela: «gaur egun Buruntzaldean euskera plana martxan duten 11 enpresa daude, sei herri ezberdinetan banatuta. Horrez gain, zikloetako ikasleek praktikak euskeraz egiteko aukera dute beste hainbat enpresatan».
Egitasmo honen barruan, Buruntzaldeko udalek hiruorrikoa prestatu dute, eta bertan azaltzen da Heziketa Zikloen eta Batxilergoen eskaintza, D eta B ereduetakoa.
Mila ale
Hiruorrikoaren 1000 ale argitaratu dituzte banatzeko, eta honakoen artean banatuko dituzte: DBH eta Batxilergoa bukatzen duten ikasleen artean, eta Erdi Mailako eta Goi Mailako zikloei begira daudenen artean.