Lehenengo toka txapelketa Elizatxo elkartean

joan den larunbatean, hilaren 23an, Elizatxo elkartean, mende honetako lehen toka txapelketa jokatu zuten, goizean hasi eta arratsaldera arte. Oso giro polita izan zuten eta bertakoek esandakoaren arabera «jendeak alaitsu baino gehiago bukatu zuen eguna». Salus Rodriguez izan zen txapelduna, eta Pedro Davila bigarrena; hirugarrena berriz, Andoni Cisneros. Pozik zeuden antolatzaileak 17 lagun aritu baitziren tokan, emakume eta gizon, denak batera, eta jendea animatu nahi izan zuten hurrengoan parte hartzeko. Txapelketako sariak elkartearen egunean banatuko dituzte.