BASOKO Heroiak izenburuarekin
liburua eta CDa argitaratu du Gipuzkoako
Foru Aldundiak. Liburuxka eta
CD interaktiboaren helburua da Aiako
Harria Parke Naturalean dagoen natur
ondarea ezagutaraztea eta inguru
horiek hobetze aldera egin diren
ekimenak ezagutzera ematea. Liburua
eta jokoak dituen CDa lehen eta
bigarren hezkuntzako haurrentzako
osatu dute eta Hernani, Irun, Oiartzun
eta Errenteriko eskoletan banatuko
dute, Eskola Agenda 21 ekimenaren
bidez, guztira 1.250 ale.
Parkea ezagutu jolasen bidez
Basoko Heroiak liburuak CD bat
dakarki eta bertan Aiako Harria
parkean girotutako jokoak daude.
Haurrek hainbat klabe asmatu
beharko dituzte eta klabe bakoitzak
abentura baterako atea irekitzen du.
Abenturetan barrena animaliak eta
landareak agertuko dira hizketan eta
jolasean. Aiako Harrian aurkitu
daitezkeen animalien zerrenda bat ere
badakarki CDak eta haien gainean klik
eginez gero beren soinu eta hotsak
entzun ahal izango dira.