Zikuñako Ama zikloturista taldeak haurrekin irteera egin zuen igandean.

Zumarragaraino trena hartu eta bidegorrian barrena Azpeitiara joan ziren igandean, Zikuñako Ama zikloturista taldeko hainbat kide eta animatu ziren neska-mutilak. Guztira 16 pertsonek hartu zuten parte, 8 neska-mutilek eta 8 helduk. Hotza egin arren ez zuen euririk egin eta oso gustora ibili ziren, hurrengo batean errepikatzeko gogoarekin gelditu baitziren. Eskerrak eman nahi izan dizkiete baita ere Azkoitiako udaltzainei, Jausoro auzotik bidegorriraino laguntzeagatik.