Aurrera Saiaz txapeldun

AURRERA Saiaz da Berria Txapelketako 6garren edizioko txapelduna. Irurtzunen kontra jokatu zuen atzo finala, kiroldegiko frontoian, eta 2-1 nagusitu ziren gipuzkoarrak. Kadeteetan 22-19 irabazi zuen Aurrera Saizek. Partidu gogorra izan zen eta atzelariak ezin hobeto ibili ziren. Jubeniletan berriz, Irurtzunek erakustaldia eman zuen eta 22-11 irabazi zuten. Azkenik, seniorretan gipuzkoarrak erraz lortu zuten talderentzako garaipena, 22-11 irabazita.