gimnasia erritmikoko eskolarteko txapelketa izango da igandean kiroldegian. Txapelketa goiz eta arratsalde jokatuko dute, goizeko 09:00etatik 19:00etara.
Eskolarteko txapelketako bigarren fasea
Goizean eskolarteko B mailako txapelketaren bigarren fasea izango da. Bertan, alebin mailan, taldeka, Urumeak hartuko du parte: 3 pelotarekin eta 2 esku hutsik; banaka Malen Martinez eta Leire Leonet lehiatuko dira sokarekin. Infantil mailan berriz, taldeka hartuko dute parte Hernani GEEk taldekoek, eta 5 uztairekin egingo dute proba.
Benjaminen topaketa
Arratsaldean berriz, benjamin topaketako bigarren fasea izango da. Taldeka eta esku hutsik parte hartuko dute honako taldeek: Langile, Langile A, Langile B, Elizatxo eta Urumea. Banaka berriz, Maddi Alberdi eta Maider Galparsoro lehiatuko dira, pelotarekin.