Yone Boutiquek 6-0 irabazi zuen asteartean Bilkoin Legorreta taldearen kontra

Asteburuko partidua asteartera aurreratuta jokatu zuen Yone Boutique areto futbol taldeak. Kiroldegian jokatu zuten, Bilkoin Legorreta taldearen kontra eta erraz irabazi zuten, 6-0. Yone Boutiquek partidu osoan zehar agindu zuen eta ez zuten larritasun egoerarik pasa. Lehen zatia amaitu zenean, aldea 4-0ekoa zen etxekoen alde, eta beste bi golak bigarren zatian sartu zituzten. 6-0eko aldea haundia den arren, hernaniarrek izan zituzten aukerak kontuan izanda, oraindik haundiagoa izan zitekeen. Hernaniarren golak Peiok (1), Javik (2) eta Iosuk (3) sartu zituzten.