VI. BERRIA Txapelketako bigarren finalerdietako partiduak jokatuko dira gaur kiroldegiko frontoian. Norgehiagoka Irurtzungo taldearen eta Amezketako Zazpi Iturri taldearen artean izango da.
Kadeteetan gipuzkoarrak faborito
Kadeteetako partiduan aurrez aurre izango dira Idoate II eta Beraza gipuzkoarrak, eta Gallurralde eta Jaka nafarrak. Zazpi Iturriko bikoteak faborito gisa egingo dio aurre partiduari, Euskal Herriko txapeldunak baitira, eta gainera joko aldetik bolada ezin hobea daramete.
Jubeniletan partidu
berdindua
Jubeniletan berriz, oso partidu berdindua espero da, bi bikoteak jubenil mailako onenetakoak baitira: Ansotegi-Zabaleta/Olaetxea-Arzelus. Ziurrenik partiduan zehar urduritasuna hobekien kontrolatzen duen bikoteak irabaziko du.
Seniorretan nafarrak
dira faborito
Azkenik, seniorretako partiduan Idoate eta Otxotorenak jokatuko dute Ropon eta Leundaren kontra. Zazpi Iturrikoak Euskal Herriko txapeldunak diren arren, partidu honetan bikote nafarra da faborito, azken aldian maila hobea erakusten ari baita.
Beraz, kanporaketa oso berdindua izango da. Lehen bi partiduak Zazpi Iturrik irabazten baditu, azken partiduan Irurtzun zenbat tantoko aldea ateratzeko gai den ikusi beharko litzateke.
Denboraldiko txapelketa ofizial garrantzitsuena hasi zen joan den asteburuan, Gravn Torneoa. Bertan, Gipuzkoako, Bizkaiko, Arabako, Nafarroako eta Errioxako pelotaririk onenak jokatzen dute. Gipuzkoako selekzioarekin Hernaniko 17 jokalarik hartuko dute parte: eskuz jubeniletan Arrieta, eta seniorretan Gorrotxategi; trinketean jubeniletan Lizeaga, Bilbao eta Otaegi; Sub 22an Esnaola; eta seniorretan Alvarez; emakumezkoetan palan jubeniletan Aierbe, Irazustabarrena eta Gutierrez; Sub 22an Zabala, Pagola, Jauregi eta Lukas; azkenik trinketean, jubeniletan Ugalde; eta Sub 22an Arrondo eta Perez.