JOAN den asteburuko partidua eguraldiagatik bertan behera geratu ondoren, Zubipen jokatuko du gaur Gorengoen Mailako taldeak. Partidua Aurrera de Ondarroaren kontra jokatuko dute, gaur arratsaldeko 16:30etatik aurrera. Itxuraz ez da partidu zaila izango txuri berdeentzat. Aurrera de Ondarroaren estatistikei erreparatuz gero, orain arte jokatu dituzten 18 partiduetatik bost besterik ez dituzte irabazi; berdindu berriz bederatzi, eta galdu lau. Beraz, hernaniarrak aurretik dira sailkapenean, sei puntuko aldearekin.
Igoera faseko partidua
gaur
Tolosan
Emakumezkoen ligako taldeak aldiz, partidu zaila izango du gaur. Hernaniarrak igoera fasea ari dira jokatzen eta orain arte ez dituzte nahi bezalako emaitza onak lortu. Jokatu dituzten hiru partiduetatik bakarra galdu duten arren, beste bietan ez dute garaipena lortu.
Gaurkoan irabaziz gero, goiko postuetara begira jartzeko aukera ona izango dute. Hala ere, aurkari Tolosa izango dute, orainarteko ia partidu guztiak irabazi dituen taldea.
Partidua, gaur, Tolasako Usabalen, 17:30etan.