‘Txanobarragorro’ antzezlanaren emanaldi gehiago datorren astean

GAUR zen Txanobarragorro antzezlaren azken emanaldia egitekoa, baina izaten ari den arrakasta dela eta, datorren astean beste bi emanaldi gehiago egingo dituzte. Beraz, gaurkoaz aparte, datorren asteartean hilaren 27an, eta ostegunean hilaren 29an, beste bi emanaldi izango dira. Emanaldiak arratsaldeko 19:45etan izango dira, Biteri kultur etxean. Datorren asterako sarrerak salgai jarriko dituzte gaurtik aurrera, Aurki eta Haizea dendetan, eta Oindi eta Aralar tabernetan.