Bozeramaile Batzordea bildu zen atzo udaletxean, joan den ostiralean, Santa Barbaran izandako gertakariak salatzeko eta Ertzaintzari «huts egindako erasoaren helburuari, eta beren burua arriskuan ikusi duten herritarrei» elkartasuna eta laguntza adierazteko, ETAren erasoen aurrean.
EA, EAJ-PNV, PSE-EE, EB eta PPk «giza eskubideetan oinarritutako gizarte plurala» eraiki nahi dutela adierazi dute eta giza eskubideak direla «ekintza politiko guztien ardatz».
Egileak justiziaren esku
Agirian eransten dutenez, «zorionez, hilketak huts egin du» eta beren nahia adierazi dute «egileak justiziaren esku egoteko lehenbailehen».