Beren buruaren jabeago izateko, emakumeentzako Jabetze Eskolak

emakumeek zentzu zabalean beren burua ezagutzeko hainbat ikastaro antolatu ditu Udal Berdintasun Sailak. Izen ematea irekia dago.

Heldutasuna, literatura, aurrekoak eta zentzumenak
Aurten zehazki lau ikastaro monografiko izango dira. Heldutasunak gordetzen duen plazerra izenekoaren helburua da bizitzako etapa honi buruzko hausnarketa egitea: nola ikusten den, nola bizi den, zein abantaila dituen eta abar. Literatura eta emakumeak izenekoaren helburua da, emakumeek literaturan izan dituzten paperak, egile eta protagonistak aztertzea, beti ere kontuan izanik garaiko bizimodua, presioak, paperak, espektatibak eta abar. Gure amonengandik ikasiaz ikastaroan, aurrekoen bizipenak ezagutzen eta ulertzen ikasiko dute, besteak beste. Azkenik, Sedukzioa eta zentzumenak ikastaroan zentzumenek esaten dutenari kasu egiten ikasi, eta etekina ateratzen ikasiko dute.

Izen ematea
Izena eman nahi izanez gero, Udal Berdintasun Arlora jo behar da, Sandiusterri kaleko 1 zenbakiko lokalera, 943 337 017 edo 943 336 802 telefono zenbakietako batera deitu, edo irantzu-j@hernani.net-era idatzi. EHU eta HUHEZIko ikus-entzunezko ikasleek eta Irakasle ikasketetako ikasleek aukera askeko kredituak lor ditzakete.