«Guk inolako indarkeriarik gabeko etorkizuna nahi dugu»

MARIAN Beitialarrangoitia Alkateak agerpena egin zuen atzo prentsaurrean, D3M plataforma egiten ari den sinadura bilketaren inguruan. Agerpenean hedabide ezberdinetako kazetari eta kamara ugari bildu ziren eta gauean Santa Barbaran izandako leherketaren inguruko hainbat adierazpen egin zituen. Alkateak «inolako indarkeriarik gabeko etorkizuna nahi dutela» adierazi zuen eta «herri honek bizi duen errealitatea, bere osotasunean, gainditzeko lanean jarraituko dutela» azpimarratu zuen. Horrekin batera esan zuen, «Ezker Abertzalea kriminalizatu, legez kanporatu, eta antzeko estrategiek norabide horretan ez dutela laguntzen». Beitialarrangoitiak garbi utzi nahi izan zuen: «herri honek bilatzen duena konponbidea da eta horren alde egin beharko dugu denok lana».