Hernaniko pelotariak buru-belarri ari dira Euskal Herriko Pelota Txapelketan. Ioritz Arrietak, eskuz banakako jubenilak, erraz irabazi zion, 8-22, Txukun Lakua taldeko Mendinueta arabarrari asteburuan, eta gainera bere etxean; erakutsi zuenez, fuerte dabil pelotari hernaniarra. Eskuz binaka jubeniletan, Zaramaga taldeak 18-22 galdu zuen Santxo-Aizpitarte bikote hernaniarraren aurka.
Emakumeak palan
Palan ere ari dira Euskal Herriko Txapelketa jokatzen, kasu honetan emakumeak. Jubeniletan hauek dira asteburuko emaitzak: Markinak 30/Lizeaga-Perez 20; Pagola-Ugalde 30/Alaitasuna 13; Adurtza 30/Irazustabarrena-Gutierrez 29. Seniorretan, Intxaurrondo 30 / Jauregi-Lukas 22.
Trinketea
Gipuzkoako Trinkete Txapelketan ere parte hartu dute hernaniarrek. Eskuz banakakoan, kadeteetan: Jon Etxegoien 19/ Alde Zaharra 30; Jon Garcia 5/Oiarpe 30. Eskuz banaka baina seniorretan, Izadi Grajal 38/Mundarro A 40; eta Mikel Zurutuza 15/Mundarro B 40. Lau pelotariek galdu egin zuten eta txapelketatik kanpo geratu dira.